Memleket basshysy halyqaralyq jıynda sý salasyndaǵy qaýipsizdik máselesin kóterdi

ASTANA. QazAqparat - Memleket basshysy Qasym-Jomart Toqaev «Jahandyq Ońtústik daýysy» vırtýaldy sammıtinde sý salasyndaǵy qaýipsizdik máselesin kótterdi, dep habarlaıdy QazAqparat.

BUU esebine sáıkes, klımattyń ózgerýi saldarynan jer betinde 5 mıllıardtan astam adam aýyzsýǵa zárý bolýy múmkin. Prezıdent sý tapshylyǵy men turaqsyzdyqtyń beleń alýy memleketterdiń azyq-túlik, energetıkalyq jáne ekologııalyq qaýipsizdigin qamtamasyz etýge keri áserin tıgizedi dep sanaıdy. Budan bólek, ekonomıkalyq, geosaıası shıelenis jáne turaqsyzdyq kúsheıip keledi. Túptep kelgende, onyń saldary búkil álemdegi, ásirese qýańshylyqqa jıi ushyraı bastaǵan Jahandyq Ońtústiktegi qaýipsizdikke qatty áser etýi múmkin.

«Osyǵan baılanysty men sý resýrstaryn tıimdi ári ádil paıdalanýǵa septigin tıgizetin sý tehnologııalaryn ózara bólisý úshin aıryqsha quqyqtar men preferentsııalar júıesin engizýdi usynamyn», – dedi QR Prezıdenti vırtýaldy sammıtte sóılegen sózinde.