Memleket basshysy grek-rım kúresi federatsııasynyń prezıdenti Dáýlet Turlyhanovty qabyldady

NUR-SULTAN. QazAqparat - Memleket basshysy Qazaqstan grek-rım, erkin jáne áıelder kúresi federatsııasynyń prezıdenti Dáýlet Turlyhanovty qabyldady, dep habarlaıdy QazAqparat Aqordanyń resmı saıtyna silteme jasap.

Kezdesý barysynda Dáýlet Turlyhanov Qasym-Jomart Toqaevqa federatsııanyń buqaralyq jáne kásibı sportty damytý, Dene shynyqtyrý jáne sport salasyn órkendetý jónindegi memlekettik baǵdarlamany júzege asyrý úshin qabyldap jatqan sharalary, sondaı-aq balýandardyń 2024 jyly ótetin Jazǵy olımpıada oıyndaryna daıyndyǵy týraly baıandady.

Sonymen qatar kezdesýde jastardyń ózekti máselelerine, sonyń ishinde olardy buqaralyq sport túrlerine tartýǵa, óńirlerde sport ınfraqurylymdaryn damytýǵa basa mán berildi.

Osy rette Memleket basshysy aımaqtarda jazǵy jáne qysqy sport túrlerin ilgeriletý jumystaryn kúsheıtý qajet ekenin aıtty.