Memleket basshysy etnomedıatsııa jónindegi oqý ortalyǵyn qurýdy tapsyrdy

NUR-SULTAN. QazAqparat – QR Prezıdenti Qasym-Jomart Toqaev Bilim jáne ǵylym, Aqparat jáne qoǵamdyq damý mınıstrlikterine etnomedıatsııa jónindegi oqý ortalyǵyn qurýdy tapsyrdy, dep habarlaıdy QazAqparat tilshisi.

«Etnomedıatsııa jónindegi oqý ortalyǵyn quryp, turaqty oqý kýrstaryn uıymdastyrý kerek. Aýdandyq deńgeıdegi memlekettik qyzmetshilerdiń kópshiligi sol jerde daıyndyqtan ótýge tıis.

Aqparat jáne qoǵamdyq damý, Bilim jáne ǵylym mınıstrlikterine memlekettik basqarý akademııasymen, assambleıa hatshylyǵymen jáne basqa da ýákiletti organdarmen birlesip, atalǵan másele boıynsha júıeli usynystar berýdi tapsyramyn. Assambleıa daıyndaǵyn medıatorlar qoǵamdaǵy kúsh zorlyq-zombylyqtyń azaıtýǵa, otbasylyq qarym-qatynastaǵy quqyq buzýǵa tıimdi qarsy turýǵa, eleýli úles qosatynyna senimdimin», - dedi Qasym-Jomart Toqaev Qazaqstan halqy assambelıasynyń HHHІ sessııasynda.

Sondaı-aq, Prezıdent assambleıaǵa Adam quqyqtary jónindegi ýákilmen baılanysty nyǵaıtýdy usyndy.

«Assambleıaǵa adam quqyqtaryn qorǵaý salasynda anaǵurlym nátıjeli jumys isteý úshin Adam quqyqtary jónindegi ýákilmen ózara tyǵyz áreket uıymdastyrý qajet. Onyń ústine bul ınstıtýt elde bastalǵan konstıtýtsııalyq reforma boıynsha jýyqta konstıtýtsııalyq mártebe alýy múmkin», - dedi Memleket basshysy.

Aıta keteıik, Assambleıanyń bul jolǵy jıyny «El birligi – jańarǵan Qazaqstannyń tiregi» taqyrybymen ótedi .