Memleket basshysy Eńbek qaýipsizdiginiń 2025 jylǵa deıingi is-sharalar josparyn ázirleýdi júktedi
«Eńbek qaýipsizdigin qamtamasyz etý mańyzdy máselelerdiń biri. Bul oraıda álemdik úrdisterdi basshylyqqa alýymyz qajet. Qazir eńbek qaýipsizdigin qorǵaý kezinde aldyn alý sharalaryna basymdyq beriledi. Bul - halyqaralyq tájirıbe. Ásirese kásiptik qatelerdi baǵalaý jáne olardy retteýdiń tıimdi júıesin qurý aıryqsha nazarda. Eńbek qaýipsizdigin qorǵaýdyń ulttyq júıesin jańǵyrtý barysynda osy qaǵıdattardy negizge alý kerek», - dedi Qazaqstan Prezıdenti.
Memleket basshysy qaýip-qaterdi anyqtap, onyń aldyn alý tásilderin engizý qajettigine nazar aýdartty.
«Bul jumysshylardyń densaýlyǵyna qaýip tóndiretin óndiristik túıtkilderdi barynsha azaıtý degen sóz. Ókinishke qaraı, biz qazir mundaı máselege ábden kesh mán beremiz. Qazaqstanda eńbek qaýipsizdigin qamtamasyz etýdiń 2025 jylǵa deıingi is-sharalar josparyn ázirlegen jón. Bul qujatty Úkimet, jumys berýshiler jáne kásipodaq ókilderi birlese daıyndaǵany abzal. Іri jáne orta kásiporyndardyń ıeleri men basshylary jumysshylardyń áleýmettik talaptaryn nazarda ustaýy qajet. Kompanııalarda áleýmettik úılesim bolýǵa tıis», - dedi Qasym-Jomart Toqaev.
