Memleket basshysy elordadaǵy qylmys deńgeıin tómendetýdi tapsyrdy
ASTANA. QazAqparat - Astanany adamdar úshin qaýipsiz qala etýimiz shart. Bul týraly búgin «Astana Opera» teatrynda elordany odan ári damytý jónindegi keńeste Elbasy Nursultan Nazarbaev málim etti.
«Biz ishki ister organdarynyń, jergilikti bıliktiń birlesken kúsh-jigerimen Astanany adamdar úshin qaýipsiz qalaǵa aınaldyrýǵa kelisken bolatynbyz. Búginde Qazaqstan boıynsha qaladaǵy qylmystyq eń joǵary deńgeıde qalyptasyp otyr. Nege osylaı boldy? Byltyr qylmys kólemi 53 paıyzǵa ósti, onyń ishinde aýyr qylmystar eki esege ósken. Qylmystardyń ashylýy 36 paıyz deńgeıinde», - dep toqtaldy Elbasy. Óz kezeginde Astanada ІІB basshysy Amantaı Áýbákirov byltyrǵy jyly - 59 myń, al bıylǵy birinshi toqsanda - 28 myń quqyqbuzýshylyq anyqtalǵanyn jetkizdi. Aýyr jáne asa aýyr qylmystardyń betin ashý deńgeıi jaqsarǵan. Onyń sózine qaraǵanda, qaladaǵy qylmystylyqtyń eleýli paıyzy syrttan kelgenderge tıesili. ıAǵnı, qylmystyń jartysynan astamyn shetten kelgender jasaıdy. Osy baǵytta qazirgi kezde tıisti sharalar atqarylyp jatyr. «Degenmen de bul sharalar jetkiliksiz. Jumysty jalǵastyryńyzdar. Qala adam ómiri úshin qaýipsiz bolýy tıis», - dep tapsyrdy Prezıdent.
