Memleket basshysy elordadaǵy epıdemıologııalyq jaǵdaıǵa alańdaýshylyq bildirdi
NUR-SULTAN. QazAqparat – Memleket basshysy Qasym-Jomart Toqaev elimizdegi sanıtarlyq-epıdemıologııalyq ahýal jónindegi jumys keńesinde Nur-Sultan qalasynda epıemıologııalyq jaǵdaıdyń ýshyqqanyna alańdaýshylyq bildirdi, dep habarlaıdy QazAqparat.
«Ókinishke qaraı, jaǵdaı jaqsaratyn emes. Kerisinshe, epıdemıologııalyq ahýal nasharlap barady. Ásirese, elordadaǵy jaǵdaı óte kúrdeli», - dep jazyldy Aqordanyń Twitter paraqshasynda.
Eske salsaq, Prezıdent Qasym-Jomart Toqaev elimizdegi sanıtarlyq-epıdemıologııalyq ahýal jóninde jumys keńesin ótkizip jatyr.
Jıynǵa Premer-Mınıstr, vedomstvolardyń basshylary, qalalar men oblystardyń ákimderi qatysýda. Memleket basshysy koronavırýs indetine qarsy kúres jónindegi sharalar týraly Úkimettiń esebin tyńdap, óńirlerdegi jalpy jaǵdaıdy jaqsartýǵa jáne Qazaqstan azamattarynyń densaýlyǵyn saqtaýǵa baǵyttalǵan úılesimdi is-qımyl josparyy pysyqtaıdy.
