Memleket basshysy elordadaǵy aýyz sý sapasyna qatysty máseleni kóterdi
NUR-SULTAN. QazAqparat – Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev aýyz sý sapasyna qatysty máseleni kóterdi, dep habarlaıdy QazAqparat tilshisi.
«Qala turǵyndary aýyz sý sapasy máselesin birneshe márte kóterdi. 20 qyrkúıekte áleýmettik jeli arqyly azamattar sýdan shyǵyp turǵan jaǵymsyz ıiske shaǵymdana bastady. Biraq, elordalyq taýarlar men qyzmetterdiń sapasyn jáne qaýipsizdigin baqylaý departamenti tarapynan túsindirý bir aptadan keıin, 27 qyrkúıekte ǵana boldy. Nelikten shuǵyl áreket etpeıdi? Bireýlermen jaýabyn kelise me?», - dedi Qazaqstan Prezıdenti.
Memleket basshysy elordadaǵy aýyz sýmen baılanysty problemany barynsha jedel sheshý qajettigine nazar aýdartty.
«Basty másele elep-eskerý emes, bul máseleni sheshý. Bul da bizdiń sózderimizben qabyspaıdy ǵoı. Biz elordamyzdy basqasha maqtaımyz, al sýy basqa túrde múńkıdi», - dedi Q.Toqaev.