Memleket basshysy elordada general I. Panfılovqa arnalǵan eskertkishtiń ashylý rásimine qatysady

ASTANA. QazAqparat - 7 mamyr kúni Memleket basshysy Nursultan Nazarbaev elordada general I. Panfılovqa arnalǵan eskertkishtiń ashylý rásimine qatysady.

Bul týraly Aqordanyń baspasóz qyzmetinen habarlady.

Buǵan deıin habarlaǵanymyzdaı, Astana qalasyndaǵy Qoshqarbaev pen Jumabaev kósheleriniń qıylysyndaǵy «Jeruıyq» saıabaǵynda general Panfılov atyndaǵy alleıa ashylady. Panfılovqa arnalǵan eskertkish 2015 jyldyń 7 mamyrynda resmı túrde ashylmaq.

Nysannyń avtorlyq quqyǵynyń múliktik quqyǵy Rınat Ábenovke tıesili.

General Panfılovqa arnalǵan eskertkishtiń ortasynda gúl shoqtaryn qoıýǵa arnalǵan taqta ornatylady. Eskertkishtiń uzyndyǵy - 2,5 metr. Monýment qoladan quıylǵan. Odan ózge, KSRO batyrynyń altyn juldyzy bar 28 stella jasaldy. Eskertkishtiń shyǵys bóliginde alleıanyń boıynda qaza tapqan 28 jaýyngerge arnap tabıǵı granıtten estelik taqtaıshalar qoıylady.