Memleket basshysy el qaýipsizdigin qamtamasyz etýde árbir tásildi qoldanýǵa quqyly - Prezıdent
Memleket basshysy referendýmda daýys bergennen keıin, tilshiler Prezıdent ókilettigine qatysty suraq qoıdy. Bul rette Konstıtýtsııalyq ózgeristerge sáıkes Prezıdenttiń ókilettigi azaıyp, Parlamentke berilgeni aıtyldy.
«Bul qadam memlekettiń taǵdyry sheshiletin sátte shuǵyl sheshim qabyldaýǵa kedergi keltirmeı me?», –dep surady tilshi.
«Prezıdent Memleket basshysy retinde árbir tásildi qoldanýǵa quqyly. Sondyqtan eshqandaı teketires joq. Eń aldymen, Parlament pen Prezıdenttiń arasyndaǵy teńgerim bolýy kerek. Osy oraıda muny demokratııanyń bir kórinisi dep oılaımyn. Atap aıtqanda, Prezıdentke qatysty eshqandaı tosqaýyl bolmaıdy», - dedi Qasym-Jomart Toqaev.
Bul turǵyda Memleket basshysy el qaýipsizdigin qamtamasyz etýge qatysty shuǵyl áreketter jasaýǵa barlyq múmkindikter bar ekenin atap ótti.
Prezıdent elimizde qańtar oqıǵasy sekildi jaǵdaılar qaıtalanbaıtynyn qadap aıtty.
Qasym-Jomart Toqaev elimizdiń qaýipsizdigine tónetin qaýip-qater az emes ekenin jetkizdi.
Qazaqstan Prezıdenti elordadaǵy Oqýshylar saraıynda ornalasqan №59 daýys berý ýchaskesine kelip, respýblıkalyq referendýmda óz tańdaýyn jasaǵanyn budan buryn jazǵan bolatynbyz. Keıin Q.Toqaev BAQ ókilderiniń suraqtaryna jaýap berdi.
Qasym-Jomart Toqaev elimizdiń qaýipsizdigine tónetin qaýip-qater az emes ekenin jetkizdi. Sondaı-aq referendýmnan keıin qazaqstandyqtardy úlken ózgerister kútip turǵanyn, qańtar oqıǵasynda qaza bolǵandardyń tizimi jarııalanatynyn aıtty.