Memleket basshysy Ekibastuzdaǵy temirjol klasterimen tanysty
NUR-SULTAN. QazAqparat – Memleket basshysy Ekibastuzdaǵy temirjol klasterimen tanysty. Aldymen «Prommashkomplekt» temirjol dóńgelekterin shyǵaratyn zaýyttyń jumysymen tanysty, dep habarlaıdy Aqordanyń resmı saıty.
Memleket basshysyna óndiris barysy kórsetilip, jumysshylardy áleýmettik qoldaý sharalary, kásiporynnyń eksporttyq áleýeti men odan ári jańǵyrtý jospar týraly málimet berildi.
2012 jyly salynǵan zaýyt 700-den 1250 mm-ge deıingi ártúrli dıametrli jáne dıskili konstrýktsııadaǵy temirjol dóńgelekterin shyǵarady. Zaýyt jylyna 300 myń dana ónim shyǵarady. Kompanııada 750-ge jýyq adam jumys isteıdi.
Budan keıin Prezıdent serpindi klemmalar men burandalar shyǵaratyn «Ferrotranstreıd» zaýytyn iske qosty.
– Búginde Ekibastuz elimizdiń temirjol mashına jasaý ortalyǵyna aınaldy. Qala kásiporyndary ónerkásip óniminiń 73 paıyzyn quraıdy. Olar jyl saıyn temirjol salasyna qajetti 85 mıllıard teńgeniń ónimin shyǵarady. Onyń 70 paıyzy eksporttalady. Búgin TMD elderinde balamasy joq «Ferrotranstreıd» zaýyty iske qosyldy. Bul jerden halyqaralyq sapa standarttaryna sáıkes keletin komponentterdi shyǵarady. Jańa óndiris tolyq kúshine engennen keıin «Qazaqstan temir joly» ulttyq kompanııasy termınaldar men burandalardy ımportamaıtyn bolady. Kásiporyn otandyq mashına jasaý salasynyń básekege qabilettiligin arttyratynyna senimdimin, – dedi Qasym-Jomart Toqaev.
Memleket basshysy kásiporynnyń ónimderinen jasalǵan kórmeni aralap, zaýyttyń eńbek ujymymen kezdesti. Bul jerde 160 adam jumys isteıdi. Zaýyt jylyna rels bekitetin 3 mln. jınaq jáne 4,5 mln. dana polımerli tóseý quralyn shyǵarady.
Prezıdentke temir jol salasyndaǵy ónerkásiptiń jetistikteri men perspektıvalary týraly aqparat berilip, beınerolık kórsetildi.
Bul kásiporyndar temir jol salasyndaǵy elimizdiń shıkizattyq emes eksportynyń úlesin aıtarlyqtaı arttyrýǵa múmkindik beredi.
