Memleket basshysy dızel otynyna týyndaǵan tapshylyqqa qatysty aıtty

EKІBASTUZ. QazAqparat – Memleket basshysy Qasym-Jomart Toqaev dızel otyny tapshylyǵyna qatysty pikir bildirdi, dep habarlaıdy QazAqparat tilshisi.

«Qazan aıynda elimiz dızel otyny tapshylyǵyna tap boldy. Bul ahýal dızel otyny baǵasynyń ósýine ǵana emes, sonymen birge kólik kompanııalary, Qazaqstan temir joly úshin de problema týyndatty. Sonymen qatar kommýnaldyq jáne jol qyzmetteriniń turaqty jumysyn qamtamasyz etýde táýekelder alyp keldi», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jınalysta.

Buǵan deıin habarlaǵanymyzdaı, búgin Qasym-Jomart Toqaev jumys saparymen Pavlodar oblysynyń Ekibastuz qalasyna keldi . Memleket basshysy jumys sapary barysynda monoqalalardy damytý jóninde keńes ótkizip, Prezıdenttik jastar kadr rezerviniń ókilderimen kezdesedi. Sonymen qatar qaladaǵy ındýstrıaldy kásiporyndarǵa barady dep josparlanǵan.