Memleket basshysy Dımash Qudaıbergenniń atasynyń qaıtys bolýyna baılanysty kóńil aıtty

ASTANA. QazAqparat - Memleket basshysy tanymal ánshi, óner qaıratkeri Dımash Qudaıbergenniń atasy – Qudaıbergen Aıtbaıulynyń dúnıeden ótýine baılanysty Aıtbaevtar áýletine kóńil aıtý jedelhatyn joldady.

Bul týraly óziniń Facebook paraqshasynda QR Prezıdentiniń baspasóz hatshysy Rýslan Jeldibaı jazdy, dep habarlaıdy QazAqparat.

«Áýletterińizdiń ardaqtysy, elge tanymal, halyq syılaǵan abyroıly aqsaqal Qudaıbergen Aıtbaıulynyń dúnıeden ótýine baılanysty kóńil aıtamyn.

Qudaıbergen Aıtbaıuly aýyl sharýashylyǵy salasynda kóp jyl qajyrly qyzmet etip, eńbek ardageri atandy. Adamgershilik asyl qasıetterimen óz ortasyna syıly, aǵaıyn-týysqa qadirli jan boldy. Ulaǵatty urpaq ósirip, daryndy ul-qyzdardy tárbıeleı bildi.

Aınala tóńiregine meıirim shýaǵyn shasha bilgen Qudaıbergen Aıtbaıulynyń jarqyn beınesi ony biletinderdiń jadynda saqtalady.

Marqumnyń ımany salamat, jany jánnatta bolsyn», – dep jazylǵan jedelhatta.