Memleket basshysy «Borealis» kompanııasy basqarmasynyń tóraǵasyn qabyldady

NUR-SULTAN. QazAqparat - Qazaqstan Prezıdenti Qasym-Jomart Toqaev «Borealis» kompanııasy basqarmasynyń tóraǵasy Alfred Shterndi qabyldady, dep habarlaıdy Aqorda.

Memleket basshysy «Borealis» kompanııasymen yntymaqtastyq jasaýdyń mańyzdylyǵyn atap ótip, Qazaqstanda iri jobalardy júzege asyrýdyń máni zor ekenin aıtty.

«Men ózara yqpaldastyǵymyzǵa qatysty kún tártibindegi ózekti másele jóninde, ásirese, aldaǵy ýaqytta júzege asyrylatyn Atyraý oblysyndaǵy gaz jáne hımııa kesheniniń qurylysy týraly Sizben pikir almasqym keledi», - dedi Qasym-Jomart Toqaev.

Kezdesý barysynda Qazaqstan Prezıdentine «Borealis» kompanııasynyń elimizdegi negizgi jobalary men olardyń júzege asyrylý perspektıvalary jóninde baıandaldy.

A.Shtern ózara yqpaldastyqtyń joǵary deńgeıin atap ótip, Qazaqstanda jumys isteýge múmkindik berip, qoldaý kórsetkeni úshin Memleket basshysyna alǵys aıtty.