Memleket basshysy Bolgar qalasyn jáne Grad Svııajsk aralyn jańǵyrtý jobalarymen tanysty

ASTANA. QazAqparat - Qazaqstan Prezıdenti Bolgar qalasyn jáne aýmaǵynda Ýspen Qudaı-ana erler monastyrynyń basty ǵıbadathanasy - Ýspen sobory ornalasqan Grad Svııajsk aralyn qaıta jańǵyrtý josparymen tanysty, dep habarlaıdy Aqordanyń baspasóz qyzmeti.

Ýspen soboryn qalpyna keltirý jumystary 1954 jyldan beri júrgizilip keledi. 1970-1980 jyldary sobordyń qabyrǵaǵa salynǵan freska keskindemeleri tolyq zertteldi.

Bolgar kesheniniń murasyn qazirgi kezeńdegi jańǵyrtý jáne qalpyna keltirý jumystary 1990-jyldary bastaldy. Sol kezde bul bastamaǵa Tatarstan Respýblıkasynyń mańyzdy memlekettik baǵdarlamasy retinde mán berildi.