Memleket basshysy bıyl elimizdegi ózekti máselelerge qatysty 862 tvıt jarııalady
NUR-SULTAN. QazAqparat - Memleket basshysy bıyl elimizdegi ózekti máselelerge qatysty 862 tvıt jarııalady. Bul týraly búgin Aqordada ótken brıfıngte QR Prezıdentiniń baspasóz hatshysy Berik Ýálı aıtty, dep habarlaıdy QazAqparat tilshisi.
«Memleket basshysy Twitter áleýmettik jelisin 2011 jyldan beri belsendi qoldanyp keledi. Búginde Memleket basshysynyń tvıtterinde 137 myń oqyrmany bar»,- dedi Berik Ýálı.
Onyń aıtýynsha, Prezıdent tvıtterdegi paraqshasy arqyly elimizdegi qoǵamdyq, áleýmettik-ekonomıkalyq, saıası máselelerge nemese oqıǵalarǵa qatysty pikirin bildirip, tapsyrma berip otyrady. Ýaqyt únemdeý turǵysynan mundaı jumys stıli – óte tıimdi. Sebebi berilgen tapsyrmanyń der kezinde nazarǵa alynyp, tıisti sheshimin tabýy – basty maqsat.
«Jalpy, Prezıdent qyzmetine kiriskeli beri Qasym-Jomart Kemeluly elimizdegi ózekti máselelerge, qoǵamda bolyp jatqan túrli oqıǵalarǵa qatysty 862 tvıt jarııalady. Sáýir aıynan beri Qasym-Jomart Kemelulynyń Instagram jelisinde mıllıonǵa jýyq jazylýshy tirkelgen. Prezıdent osy jelidegi paraqshasyna 60 jazba jarııalady», - dedi ol.
