Memleket basshysy biregeı Býrabaıdaǵy «Qazaqstandyq Laplandııa» biregeı ertegi qalashyǵynda boldy
ASTANA. 21 jeltoqsan. QazAqparat - Búgin Memleket basshysy Nursultan Nazarbaev «Rıksos-Býrabaı» qonaq úıiniń ashylýyna qatysty, dep habarlady Aqordanyń baspasóz qyzmeti.
Býrabaıda ótken rásimniń ashylýy barysynda Nursultan Nazarbaev bul nysan búkil elimizdiń ıgiligi úshin qyzmet etetinin atap ótti.
- Bul Qazaqstandaǵy eń jaqsy bes juldyzdy qonaq úılerdiń birinen sanalady. Bul jerde demalý úshin barlyq jaǵdaı jasalǵan: jaqsy jabdyqtalǵan bólmeler bar, keń aýqymdy qyzmetter kórsetiledi, balalar úshin «Qazaqstandyq Laplandııa» ashylǵan. Bul tamasha nysandy biz Jańa jyldyń qarsańynda ashyp otyrmyz. Men áýejaıdy qaıta qurylymdaýdy, sondaı-aq avtobannyń baryn esepke ala otyryp, bul jer keleshekte týrızmniń ortalyǵy bolady dep senemin. Men osy qonaq úıdi salýǵa atsalysqannyń bárin quttyqtaımyn, - dedi Memleket basshysy.
«Rıksos-Býrabaı» - Býrabaı shıpajaıy aımaǵyndaǵy bes juldyzdy qonaq úı. Jalpy aýmaǵy 26 myń sharshy metr bolatyn bes qabatty ǵımaratta 200 bólme bar.
Jańa qonaq úı - Qazaqstannyń Údemeli ındýstrııalyq-ınnovatsııalyq damý jónindegi baǵdarlamasynda qarastyrylǵan, týrızmdi damytý jónindegi jobalardyń biri.
Sonymen qatar, búgin Qazaqstan Prezıdenti Şýche-Býrabaı shıpajaı aımaǵynda ornalasqan «Qazaqstandyq Laplandııa» biregeı ertegi qalashyǵynda boldy. Ondaǵy muz aıdyny buǵy men ıt jekken shanamen syrǵanaýǵa laıyqtalyp jasalǵan.
