Memleket basshysy: Batysta qalatyn qazaqtar aınalyp kelgende memleket damýyna úles qosady
«Qazaqstan zamanǵa saı memleket. Zamanǵa saı sıpaty da jańara bermek. Sebebi, bizdiń jastar «Bolashaq» baǵdarlamasy boıynsha Batystan oqyp kelip jatyr. «Bolashaq» - memlekettik baǵdarlama. Shynynda da, Qazaqstannyń bolashaǵyn - «Bolashaq» baǵdarlamasymen tikeleı baılanystyramyz. Sol sekildi, qazir grant utyp alyp, bolmasa shákirtaqyǵa ıe bolyp, kez kelgen joǵary oqý ornynda oqı berýge bolady. Jastar ketip jatsa da, eshqandaı kedergi keltirmeıtinimiz anyq. Tipti jaqsy bilim alyp, Batystyń bir elinde jumysqa tursa, biz ol adamdy joǵaltyp alamyz dep eseptemeımin. Báribir ol túbi qazaq bolyp qala beredi. Ol báribir aınalyp kelgende óz eliniń órleýine úles qosyp, ekonomıkasynyń órkendeýine, memleketiniń damýyna atsalysqysy keleri anyq», - dedi Prezıdent «Deutsche Welle» teleradıokompanııasyna bergen suhbatynda.
Aıta ketsek, buǵan deıin Memleket basshysy Qasym-Jomart Toqaevtyń 5-6 jeltoqsan kúnderi Germanııaǵa memlekettik sapary qarsańynda «Deutsche Welle» teleradıokompanııasyna suhbat bergenin habarlaǵan bolatynbyz.
