Memleket basshysy BAQ týraly zańdy qaıta qaraýdy usyndy
«Otandyq BAQ-tyń el óńirlerinde jáne álem bolyp jatqan úderister týraly óz kózqarasy bolýǵa tıis. Elimizdiń aqparattyq qaýipsizdigi, tipti ıdeologııalyq derbestigi osyǵan tikeleı baılanysty. Memleket ashyq aqparat keńistigin qalyptastyrýǵa erekshe kóńil bóledi. BAQ ózekti máselelerdi kótere alady jáne kóterýi kerek, biraq muny úlken azamattyq jaýapkershilikpen jasaý kerek. Syrttan tapsyrys boıynsha emes, kóleńkeli tólemaqy úshin nemese saıası toptar úshin jumys istemeýi kerek. BAQ ókilderi óz eli men onyń azamattary úshin shyn júrekten alańdaýy kerek», - dedi Memleket basshysy.
Sóz arasynda Prezıdent BAQ-tyń tórtinshi bılik ekenin taǵy bir eske saldy.
«Osy oraıda tilshiler qaýymyna arnaıy júginemin. Odan arǵy demokratııalyq ózgerister táýelsiz jáne jaýapty buqaralyq aqparat quraldarynsyz múmkin emes dep sanaımyn. Sondyqtan memlekettiń múddesi men qoǵamnyń suranystaryn jáne medıa salanyń damý tendentsııalaryn eskere otyryp, BAQ týraly zańdy qaıta qaraý qajet», - deıdi ol.
Buǵan deıin Qasym-Jomart Toqaev otandyq BAQ básekege qabiletti jáne erkin bolýy kerek degen edi.