Memleket basshysy Baǵdat Mýsınge eskertý berdi

NUR-SULTAN. QazAqparat – Prezıdent Qasym-Jomart Toqaev Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń Ulttyq derekter bankin qurý baǵytyndaǵy jumysyna qanaǵattanbaıtynyn aıtty, dep habarlaıdy QazAqparat tilshisi.

«Úkimet Ulttyq derekter bankin qurý jumysyn sozbalańǵa salý sebebin baıandaýǵa tıis. Tsıfrlandyrý isi baıaý júrip jatyr. Meniń oıymsha, nashar. Esep komıtetiniń synyna ushyraǵan «Zerde» ulttyq holdınginiń jumysyn jaqsartýdy tapsyrǵan edim. Tsıfrlandyrý jumysynyń kýratory retinde Premer-Mınıstr osy máselege basa mán bergeni jón. Mınıstrge eskertý jasaımyn. Sizdiń jumysyńyzǵa kóńilim tolmaıdy. Premer-Mınıstrdi uıatqa qaldyryp otyrsyz», - dedi Qasym-Jomart Toqaev.

Aıta keteıik, Úkimettiń keńeıtilgen otyrysynda Prezıdent úsh birdeı mınıstrge sógis jarııalady. Qant tapshylyǵyn retteı almaǵan Saýda jáne ıntegratsııa mınıstri Baqyt Sultanov pen Aýyl sharýashylyǵy mınıstri Erbol Qarashókeevke jáne kıik sanyna qatysty máseleni ońtaıly sheshe almaǵany úshin Ekologııa, geologııa jáne tabıǵı resýrstar mınıstri Serikqalı Brekeshevke.

Foto: primeminister.kz