Memleket basshysy azyq-túliktiń qoljetimdiligin qadaǵalaýdy tapsyrdy
NUR-SULTAN. QazAqparat – Qazaqstan Prezıdenti Qasym-Jomart Toqaev azyq-túlik baǵasynyń turaqtylyǵy men onyń halyq úshin qoljetimdiligin qamtamasyz etýdi tapsyrdy, dep habarlaıdy QazAqparat tilshisi.
«Azyq-túlik baǵasynyń turaqtylyǵy men onyń halyq úshin qoljetimdiligin qamtamasyz etý qajet. Jumyspen qamtýdy ári ekonomıkalyq belsendilikti qoldaý máselesi asa mańyzdy mánge ıe. Ekonomıkalyq ósimdi qalpyna keltirý boıynsha keshendi jospar tolyqqandy oryndalýy tıis» - dedi Prezıdent koronavırýs indetiniń taralýyna qarsy kúres sharalary jónindegi keńeste.
Memleket basshysy osy taqyryptar 10 shildede Úkimettiń keńeıtilgen otyrysynda egjeı-tegjeıli qaralatynyn atap ótti.
«Bul mindetter ár ákimniń erekshe baqylaýynda bolýy kerek. Memlekettik komıssııaǵa kún saıyn jergilikti jerlerdegi jaǵdaıdy qadaǵalaı otyryp, osy taqyrypty únemi nazarda ustaýdy tapsyramyn. Ákimdikter óndirýshilermen jáne bıznes-qoǵamdastyqpen tyǵyz ózara is-qımyldy jalǵastyrǵany jón», - dedi Qasym-Jomart Toqaev.
