Memleket basshysy azyq-túlik baǵasyn turaqtandyrý tásilderin atady
«Qalyptasqan halyqaralyq jaǵdaıda eldiń azyq-túlik qaýipsizdigin qamtamasyz etý úlken mańyzǵa ıe bolyp otyr. Ýkraınadaǵy jaǵdaı azyq-túlik baǵasynyń kenet qymbattaýyna ákeldi. Bul baǵalar jýyq arada búkil rekordtardy buzýy ábden yqtımal. Osynyń aıasynda egis naýqanyn sapaly ótkizý birinshi josparǵa shyǵady. Alaıda, meniń bilýimshe, fermerlerdiń kóbi egis naýqanyna daıyn emes. Úkimet pen ákimdikter bul jumysty erekshe baqylaýyna alýy kerek. Dıqandardy qolaıly baǵadaǵy janarmaıdyń qajetti kólemimin qamtý qajet», - dedi Qasym-Jomart Toqaev.
Sondaı-aq, ol aýyl sharýashylyǵy tehnıkalarynyń daıyndyǵyn tuqym men tyńaıtqyshtardyń qaýipsizdigin qaıta bir tekserý kerektigin eske saldy.
«Birqatar óńirde jaýyn-shashynnyń az bolýy egin shyǵymyna keri áser etip, jalpy jemshóptiń tapshylyǵyna ákelýi múmkin ekenin umytýǵa bolmaıdy. Jalpy alǵanda, fermerler qaýymdastyǵymen birge agroónerkásip keshenin qoldaýdyń tásilderin qaıta qaraý kerek. Azyq-túliktiń tapshylyǵy men baqylaýsyz qymbattaýyn boldyrmaý úshin memlekettik turaqtandyrý qoryna aýyl sharýashylyǵy ónimderin forvardtyq baǵamen satyp alýdy oılastyrý qajet», - dedi Prezıdent.
