Memleket basshysy atyna onyń týǵan kúnine jáne Astana kúnine baılanysty quttyqtaýlar kelip túsip jatyr
ASTANA. QazAqparat - Qazaqstan Prezıdenti Nursultan Nazarbaevtyń atyna halyqaralyq uıymdar basshylarynan, elimizdiń jáne shet elderdiń zııaly qaýym, saıası, ǵylymı orta ókilderinen quttyqtaý hattary men jedelhattar áli de kelip túsýde.
Bul týraly Aqordanyń baspasóz qyzmeti habarlady.
Túrki tildes memleketter yntymaqtastyǵy keńesiniń bas hatshysy R.Gasanov búkil túrki elderi úshin Qazaqstan úzdik úlgi jáne maqtanysh bolyp sanalatynyn atap ótken.
«Túrki elderi Sizdiń tek Qazaqstannyń ǵana emes, búkil túrki áleminiń birligi men damýyn qamtamasyz etýdegi kóshbasshylyǵyńyzdy moıyndaıdy», - delingen jedelhatta.
Óz kezeginde Eýrazııa Jazýshylar odaǵynyń tóraǵasy ıA.Omeroglý myńjyldyqtar toǵysyndaǵy qıyn jyldary Nursultan Nazarbaevtyń basshylyǵymen Qazaqstan bolashaqqa batyl qadamdar jasap, joǵary ekonomıkalyq jáne saıası mártebege jetkenin, sondaı-aq álem elderi arasynan laıyqty oryn alǵanyn atap ótken.
Qytaıdyń shet eldermen dostyq qoǵamynyń tóraǵasy L.Sıaolın Nursultan Nazarbaevtyń sheber basshylyǵy jáne qoǵamdaǵy bedeli arqasynda Qazaqstan halqy zor nátıjelerge jetkenine nazar aýdarǵan.
«Jibek jolynyń ekonomıkalyq beldeýi» aıasynda Qazaqstan-Qytaı baılanystary ózara tıimdi jaǵdaıda damı beredi dep úmittenemiz. Óz tarapymnan men bul qarym-qatynastardyń jańa deńgeıge kóterilýine bar kúsh-jigerimdi jumsaýǵa ázirmin», - dep jazady avtor.
Memleket basshysyn AQSh-tyń burynǵy kongressmeni E.Faleomavaega týǵan kúnimen quttyqtap, myqty densaýlyq, kúsh-qýat, baq-bereke jáne danalyq tiledi.
«Men ózim jaqsy kóretin halyqtyń - Qazaqstan halqynyń tatýlyǵy, yntymaqtastyǵy jáne turaqtylyǵy jolynda jasaǵanyńyzdyń barlyǵy úshin Sizge rızamyn», - delingen quttyqtaýda.
Alanııadaǵy (Túrkııa) Qazaqstannyń qurmetti konsýly, A.Djebedjı el astanasynyń qaryshty damýynda Nursultan Nazarbaevtyń kúsh-jigeri aıryqsha ról atqaryp otyrǵanyna toqtalǵan.
«Búginde Astana bizdiń halyqtyń erteńgi kúnge degen senimin kórsetip, onyń umtylysy men tilek-qalaýynyń oryndalýynyń kepili bola otyryp, ýaqyttan ozyp keledi», - dep jazady avtor.
Qazaqstannyń Ulttyq ǵylym akademııasynyń prezıdenti M.Jurynov Qazaqstan halqy eldiń jetistikteri búkil álem úshin úlgige aınalǵanyn maqtanysh etetinin atap ótken.
«Álemniń barlyq elderi bizdiń súıikti Otanymyzdyń jyldan jylǵa Sizdiń dana basshylyǵyńyzben órkendeı otyryp, naǵyz «Máńgilik elge» aınalyp kele jatqanynan tánti bolýda». Siz tek Qazaqstanda ǵana emes, búkil Eýrazııa keńistiginde tatýlyq pen dostyq qarym-qatynastardyń ornaýy úshin qajymaı eńbek etip kelesiz», - delingen hatta.
Sondaı-aq Nursultan Nazarbaevqa elimizdiń ıgiligi jolyndaǵy eńbegi, onyń turǵyndary men qazaqstandyqtardyń birligine, yntymaǵyna degen turaqty qamqorlyǵy úshin alǵys aıtqan, eń izgi tilektermen órilgen quttyqtaýlar Astana qalasynan M.Kabdyrahmanulynan, Almaty qalasynan R.Rıabıkovadan, Ońtústik Qazaqstan oblysynan T.Daýylbaevtan, Atyraý qalasynan Á.Jolaıdan, Reseı Federatsııasy Tomsk qalasynan N.Tsarskodan kelip tústi.
Memleket basshysynyń atyna quttyqtaý hattary men jedelhattary áli de kelip túsip jatyr.
