Memleket basshysy astyqty úsh óńirdiń dıqandaryna «Qazaqstannyń Eńbek Eri» ataǵyn tabystady
TANA. 11 qarasha. QazAqparat /Rýslan Ǵabbasov/ - Búgin el Táýelsizdiginiń 20 jyldyǵyna arnalǵan Agroónerkásiptik keshen qyzmetkerleriniń respýblıkalyq forýmy barysynda Memleket basshysy Nursultan Nazarbaev astyqty úsh óńirdiń dıqanshylaryna elimizdegi eń joǵarǵy nagradasy - «Qazaqstannyń Eńbek Eri» ataǵyn berdi.
«Bizdiń forým aýyl sharýashylyǵy qyzmetkerleri kúni qarsańynda ótip otyr. Sizder ózderińizdiń kásibı merekelerińizdi Táýelsizdiktiń 20 jyldyǵy qarsańynda joǵary rekordpen qarsy alyp otyrsyzdar. Agrarlyq sektordyń 200-den astam qyzmetkeri osy jyldyń jeńisi, bizdiń respýblıkamyzdyń ıgiligi úshin atqarǵan kópjylǵy eńbekteri eskerile otyryp, elimizdiń orden, medaldarymen marapattalady», - dedi Elbasy.
Osy oraıda Memleket basshysy Qostanaı oblysynan Valentın Dvýrechenskııga, Aqmola oblysynan Ádilhan Kenjebaevqa, Soltústik Qazaqstan oblysynan Rýslan Moldabekovke «Qazaqstannyń Eńbek Eri» nagradasyn tabys etti.
«Barlyǵy jaqsy jumys istedi. Osy oblystardyń ákimderine uıymdastyrýshylyq jumystary úshin alǵysymdy bildiremin. Árıne, elimizdiń basqa oblystarynyń da úlesi bar. Bul búkil Qazaqstannyń aýqymdy jeńisi», - dedi Elbasy.
