Memleket basshysy Astanada iri kólik-logıstıkalyq ortalyqty iske qosty
Elimizdiń birneshe óńirinde jańa nysandar óz jumysyn bastady. Sonyń ishinde, Astana qalasynda "QTJ UK" AQ kólik-logıstıkalyq ortalyǵy iske qosyldy. Atalmysh ortalyq kórshi elderge tasymaldanatyn taýar aınalymyn bir arnaǵa shoǵyrlandyratyn nysan bolyp tabylady. Ortalyqtyń iske qosylýy nátıjesinde 850 astam jańa jumys orny ashylmaq, dep habarlaıdy elorda ákimdiginiń resmı saıty.
Sonymen qatar, Prezıdent búgin "Qazaqstanda jasalǵan" atty otandyq taýar óndirýshiler kórmesin kórip qaıtty. Sharada elimizdiń barlyq óńirlerinen 80-nen astam kompanııa óz ónimderin usynyp otyr.
Uıymdastyrýshylardyń aıtýynsha, kórmeniń negizgi baǵyty: jańa kásiporyndar, jańa óndiristik jeliler, shyǵarylatyn ónimdi jandandyrý jáne keńeıtýdegi jańa bastamalar. Kórme, eń aldymen, otandyq taýarlar men kásiporyndar týraly aqparatty halyqqa keńinen taratýǵa baǵyttalǵan.
