Memleket basshysy Ánes Saraıdyń týystaryna kóńil aıtý jedelhatyn joldady
NUR-SULTAN. QazAqparat – Memleket basshysy Qasym-Jomart Toqaev jazýshy, dramatýrg Ánes Saraıdyń otbasy men jaqyn týystaryna kóńil aıtý jedelhatyn joldady. Bul týraly QR Prezıdentiniń baspasóz hatshysy Berik Ýálı jelidegi paraqshasynda jazdy.
«Kórnekti jazýshy, aqyn, dramatýrg, Qazaqstannyń eńbek sińirgen qaıratkeri, Memlekettik syılyqtyń ıegeri Ánes Tólendiuly Saraıdyń dúnıeden ótýine baılanysty kóńil aıtamyn. Qarymdy qalamger respýblıkalyq gazetter men baspada jáne Qazaqstan Jazýshylar odaǵynda eńbek sińirdi. Uzaq jylǵy shyǵarmashylyq jolynda tarıhı, ádebı-zertteý týyndylaryn tartý etti. Marqumnyń jany jánnatta, ımany salamat bolsyn», – delingen kóńil aıtý jedelhatynda.
Jazýshy, dramatýrg Ánes Saraı Ulttyq panteonda jerlenetin boldy.
Keshe jazýshy Ánes Saraı ómirden ozdy.
