Memleket basshysy Almaty joldaryna qatysty ákimdikke tapsyrma berdi
ALMATY. QazAqparat – Memleket basshysy Qasym-Jomart Toqaev Almaty jurtshylyǵymen kezdesýinda qala joldaryna qatysty ákimdikke tapsyrma berdi, dep habarlaıdy QazAqparat BORT N1 Telegram-arnasyna silteme jasap.
Prezıdent eskirgen jáne ekologııalyq jaǵynan zalal kóp keltiretin kólik túrlerinen bas tartý kerek ekenin atap ótti.
«2025 jyldan keıin Almaty kóshelerinde dızel otynymen júretin avtobýstar qalmaýy kerek, ıaǵnı onyń ornyna gazben júretin jáne elektr qozǵaltqyshy bar qoǵamdyq kólikter qatynaıdy. Tranzıttik júk tasymalynyń basym bóligin Úlken Almaty aınalma jolyna kóshirý de qalaǵa oń áserin tıgizedi», - dedi Qasym-Jomart Toqaev.
Bul turǵyda Memleket basshysy 6 radıaldy jáne 4 ishki magıstraldi kóshelerdi salý kerek ekenin aıtty.
«Úkimet ákimdikpen birlesip bul jobalardy qarjylandyrý máselelerin pysyqtaýy kerek. Sondaı-aq qalaǵa kireberistegi negizgi joldardy qaıta jańǵyrtýdy jedeldetý qajet», - dedi Prezıdent.
