Memleket basshysy: Áleýmettik qamsyzdandyrý saıasatyn qaıta qaraý mindeti tur

NUR-SULTAN. QazAqparat – Alda áleýmettik qamsyzdandyrý saıasatyn qaıta qaraý mindeti tur. Bul týraly QR Prezıdenti Qasym-Jomart Toqaev jetinshi shaqyrylymdaǵy QR Parlamentiniń birinshi sessııasynda aıtty, dep habarlaıdy QazAqparat tilshisi.

«Sonymen birge, alda bizdi áleýmettik qamsyzdandyrý saıasatyn qaıta qaraý mindeti tur. Memlekettiń basymdyǵy – áleýmettik osal azamattardy qoldaý bolýy tıis», - dedi Qasym-Jomart Toqaev.

Memleket basshysy bul rette memlekettik kómektiń ataýly sıpatyn jáne ony alý kezindegi tıisti talaptardy kúsheıtý qajettigin aıtty.

«Ázirlenip jatqan áleýmettik kodeks osy mańyzdy salanyń ózekti máselelerine keshendi jaýap beredi», - deıdi Prezıdent.