Memleket basshysy: Álemdik arenadaǵy elimizdiń bedelin nyǵaıtýǵa mindettimiz
NUR-SULTAN. QazAqparat - Álemdik arenadaǵy elimizdiń bedelin saqtap, nyǵaıtýǵa mindettimiz. Bul týraly búgin Aqordada birqatar azamatqa memlekettik nagradalardy tapsyrý barysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Biz álemdik arenadaǵy elimizdiń bedelin saqtap, nyǵaıtýǵa mindettimiz. Bul Táýelsizdigimizdi qorǵaýǵa baǵyttalǵan mańyzdy mindetterdiń biri. Qazaqstan óńirlik jáne jahandyq qaýipsizdikti, eń aldymen ulttyq múddesin qaperge ala otyryp nyǵaıtatyn bolady. Odaqtastarymyzben jáne strtegııalyq seriktesterimizben, Ortalyq Azııadaǵy kórshiles memlekettermen, barlyq múddeli eldermen yntymaqtastyqqa aırryqsha nazar aýdarylady», - dedi Qazaqstan Prezıdenti.
Memleket basshysy Qazaqstan sheteldegi azamattarynyń jáne bıznestiń múddesin belsendi qorǵaıtyndyǵyn basa aıtty.
«Syrtqy saıasat - bul memlekettik saparlar, sammıtter, kelissózder ǵana emes. Árbir el álemge eń aldymen óz azamattarynyń jetistikteri arqyly shyǵady. Biz úshin bul – qazaqstandyq mádenıet jáne onyń tanymal sheberleri, otandyq sportshylardyń jetistikteri, ǵalymdarymyzdyń álemdik ǵylymı jańalyqtarǵa qatysýy, pedagogtar men medıkterdiń, óndiris salasy qyzmetkerleriniń tabandy eńbegi», - dedi Qasym-Jomart Toqaev.
