Memleket basshysy: Álem qaıtadan blok-blokqa bólinip, jiktele bastady
«COVID-19-dan bastap qarýly qaqtyǵystarǵa deıingi birqatar halyqaralyq daǵdarys bizdiń názik halyqaralyq ekojúıemizge qaýip tóndirip otyr. Alaıda, bul úderister tamyryn ótken kúnderden alyp jatyr. Sondaı-aq, biz keıingi 30 jylda kórmegen burynǵy bloktarǵa jiktelýdi baıqap otyrmyz. Bul bólshektený tek geosaıası sıpatta ǵana emes. Olardyń ekonomıkalyq astary da bar. Ekonomıkalyq saıasattyń ózi qarýǵa aınalyp barady. Ondaı teketirester sanktsııalar men saýda soǵystaryn, maqsatty qaryz saıasatyn, qarjylandyrý júıesine qoljetimdilikti shekteý, tipti júıeden shyǵaryp tastaý, ınvestıtsııany skrınıngteý sııaqty sharalardy týyndatyp otyr», - dedi Qasym-Jomart Toqaev.
Memlekte basshysynyń paıymynsha, osy faktorlardyń bári keıingi onjyldyqtarda jahandyq beıbitshilik pen baqýatqa ózek bolyp turǵan erkin saýda-sattyq, jahandyq ınvestıtsııa, ınoovatsııa jáne ádiletti básekelestikten quralatyn irgetasty birtindep teńseltip jatyr.
«Bul óz kezeginde memleketter arasyndaǵy jáne memleketter ishinde bólinýshilikke jáne áleýmettik mazasyzdyqtyń kúsheıýine ákeledi», - dedi Prezıdent.
Aıta keteıik, elordadaǵy Astana halyqaralyq forýmynyń jalpy otyrysyna Prezıdent Qasym-Jomart Toqaev qatysyp jatyr.
Sonymen qatar Qyrǵyzstan Prezıdenti Sadyr Japarov, Bosnııa jáne Gertsegovına prezıdıýmynyń tóraǵasy Jelka Tsvııanovıch, Ózbekstan Premer-mınıstri Abdýlla Arıpov, ıÝNESKO bas dırektory Odre Azýle, Halyqaralyq valıýta qorynyń basqarýshy dırektory Krıstalına Georgıeva jáne basqa da spıkerler sóz sóıleıdi dep josparlanǵan.
