Memleket basshysy Aqtóbedegi Shyǵarmashylyq akademııasyna bardy

ASTANA. QazAqparat - Memleket basshysy Aqtóbe qalasyndaǵy Shyǵarmashylyq akademııasyna bardy, dep habarlaıdy QazAqparat Aqordanyń baspasóz qyzmetine silteme jasap.

Elbasy bıznestiń áleýmettik jaýapkershiligin damytý baǵdarlamasy arqyly salynǵan Shyǵarmashylyq akademııasyna bardy.

Qazaqstan Prezıdentine akademııanyń jumys jospary jóninde baıandaldy. Onda bir ýaqytta 1000-ǵa jýyq bala ǵylymı jáne shyǵarmashylyq qyzmetpen aınalysyp, ózderiniń aqparattyq tehnologııalar salasyndaǵy qabiletterin damyta alady.

Sońynda oblys ákimi B.Saparbaev óńirdiń qazirgi kezeńdegi negizgi damý kórsetkishteri týraly aıtty.    

Aıta keterligi,  Shyǵarmashylyq akademııasy «Qazhrom» transulttyq kompanııasy» aktsıonerlik qoǵamynyń qarjysyna salynǵan. Mekeme 6-18 jas aralyǵyndaǵy balalar men jastarǵa mektepten tys qosymsha bilim berýge arnalǵan.