Memleket basshysy Aqtóbedegi ferroqorytpa zaýytynda boldy
AQTÓBE. QazAqparat - Qazaqstan Prezıdenti Qasym-Jomart Toqaev Aqtóbedegi «Qazhrom» TUK» aktsıonerlik qoǵamynyń ferroqorytpa zaýytynda boldy, dep habarlaıdy QazAqparat Aqordaǵa silteme jasap.
Memleket basshysyna Qazaqstan metallýrgııasy kóshbasshylarynyń biri sanalatyn zaýyttyń tehnologııalyq úderisi men óndiristik kórsetkishteri kórsetildi.
Qazaqstan Prezıdentine «halyq baqylaýy» jobasy tanystyryldy. Bastama aıasynda múmkindigi shekteýli jandar óndiris ornynda qaýipsizdik tehnıkasyń saqtalýy men eńbektiń qorǵalýyn qamtamasyz etýge atsalysady.
Memleket basshysy jobanyń áleýmettik mańyzyn atap ótip, onyń iske asyrylý nátıjelerin joǵary baǵalady, sondaı-aq, bul tájirıbeni keńinen qoldanýdy tapsyrdy.
- Biz bul bastamany qoldaımyz. Óıtkeni, óndiriste jaraqat alyp qalý qaýipi joǵary bolǵandyqtan, bundaı jumys óte paıdaly jáne qajet. Eńbekkerlerdi áleýmettik jaǵynan qyzyqtyratyn jobanyń mańyzy zor. Barshańyzǵa densaýlyq, baq-bereke tileımin, - dedi Qasym-Jomart Toqaev.
