Memleket basshysy Aqtaýda aýrýhana men jedel járdem stantsııasyn salýdy mindettedi
«Sondyqtan, demografııalyq ósim bolǵan jerde mindetti túrde tıisti áleýmettik ınfraqurylym da bolýy qajet. Sebebi, ana men bala densaýlyǵynyń myqty bolýy – eldiń damý kórsetkishteriniń biri.
Densaýlyq saqtaý júıesi talapqa saı bolýy kerek. Sapaly medıtsınalyq qyzmet oblystyń barlyq turǵyndaryna qoljetimdi bolýǵa tıis. Bıyl meniń tapsyrmammen Munaıly aýdanynda ortalyq aýrýhananyń qurylysy bastaldy. Jedel járdem qyzmetterin, sanıtarlyq avtokólikterdi qajetti qural-jabdyqpen qamtamasyz etý kerek. Barlyq aýdandardyń jedel járdem bólimsheleri ǵımaratqa jarymaı otyr», - dedi Memleket basshysy.
Ol oblys ortalyǵynda kópbeıindi aýrýhana jáne jańa jedel járdem stantsııasyn salý máselesin qarastyrý qajet ekenin jetkizdi. Sodan soń Úkimetke osy máselelerdi pysyqtap, sheshý úshin qarjy bólýdi tapsyrdy.