Memleket basshysy ákimderge strategııalyq nysandardyń toqtaýsyz jumysyn qamtamasyz etýdi júktedi
NUR-SULTAN. QazAqparat – Memleket basshysy Qasym-Jomart Toqaev strategııalyq nysandardyń daıyndyǵyn saralap, olardyń tolyqqandy qyzmetin qamtamasyz etýdi júktedi, dep habarlaıdy QazAqparat tilshisi.
«Ómirge asa qajetti qyzmetterdiń jumysynyń toqtap qalýyna barynsha jol bermeı, ahýal kúrdelengen jaǵdaıda olar kedergisiz jumys isteıtindeı sharalardy qarastyrý kerek. Ákimder epıdemıologııalyq ahýaldyń boljamdy kúrdelenýin esepke ala otyryp, strategııalyq nysandardyń - JEO, sý arnalary men iri kásiporyndardyń daıyndyǵyn qamtamasyz etýi tıis», - dedi Prezıdent koronavırýs indetiniń ekinshi kezeńine daıyndyq máseleleri boıynsha keńeste sóılegen sózinde.
Aıta ketsek buǵan deıin Prezıdent Úkimetke shet eldermen, ásirese jaǵdaı kúrdelenip turǵan memlekettermen joldyq qatynasty barynsha ońtaılandyrýdy tapsyrǵan bolatyn.
