Memleket basshysy: «A» korpýsynyń memlekettik qyzmetshisi ámbebap mamanǵa aınalýy tıis
ASTANA. 17 qazan. QazAqparat - «A» korpýsynyń memlekettik qyzmetshisi ámbebap mamanǵa aınalýy tıis. Búgin «A» basqarýshy korpýsy memlekettik qyzmetshilerimen keńes ótkizgen Elbasy Nursultan Nazarbaev osylaı dedi.
Elbasynyń atap ótýinshe, «A» korpýsyna kirgen memlekettik qyzmetshiler bir orynda uzaq merzimge otyryp qalmaýy tıis. «A» korpýsynyń ishinde júıeli aýys-túıisti qamtamasyz etý qajet. «A» korpýsynyń memlekettik qyzmetshisi ámbebap mamanǵa aınalýy tıis. Sizder jumys baǵyttaryndaǵy jańa aýyrtpalyqtardan qoryqpaýǵa tıissizder», - dedi Memleket basshysy.
QR Prezıdentiniń paıymynsha, bul másele memlekettik qyzmetshiniń kásibıligine baılanysty. Al kásibılik jumys barysynda shyńdala túsedi. Qaı mamandyq ıesi bolmasyn kez kelgen adam óz kásibin joǵary deńgeıde meńgergende ǵana baǵalanady. «Muny biz jaqsy bilemiz. Ony memlekettik qyzmette de qoldanýǵa bolady»,- dedi Elbasy.
