Memleket basshysy: 1-synyptaǵy balalar sany 25-ten aspaýy kerek

NUR-SULTAN. QazAqparat – 1-synyptaǵy balalardyń sany 25-ten aspaýy kerek. Bul týraly Ulttyq qoǵamdyq senim keńesiniń 6-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Taǵy bir másele bar. Ár synyptaǵy bala sany shekten tys kóp. Negizi 1-synyptaǵy balalardyń sany 25-ten aspaýy kerek. Osy standarttyń saqtalýyn qamtamasyz etýge tıispiz. Sonymen qatar mektepterdiń úlgilik jobasyn ázirleýdi tapsyramyn. Mekteptiń jalpy kólemi men dızaıny oryn sanyna baılanysty anyqtalýǵa tıis. Mektep 2,5 myń balaǵa arnalsa, soǵan oraı ınfraqurylym da bolýy kerek», - dedi Memleket basshysy.

QR Prezıdentiniń atap ótýinshe, mektepte sport zaly, ashana, zerthana jáne oqý kabınetteri bolýǵa tıis.

«Jańa mektep salýǵa bólingen qarjynyń tıimsiz jumsalýyna, talan-tarajǵa túsýine jol bermeý qajet», - dedi Qasym-Jomart Toqaev.