Memleket basshylary N. Nazarbaevtyń lıderlik qasıetteri Qazaqstandaǵy mańyzdy ózgeristerdi júzege asyrýdyń basty faktoryna aınalǵanyn atap ótedi
Moldova Respýblıkasynyń Prezıdenti Nıkolae Tımoftıdiń quttyqtaýynda Nursultan Nazarbaevtyń tájirıbesi men lıderlik qasıetteri Qazaqstandaǵy mańyzdy ózgeristerdi tabysty júzege asyrýdyń jáne eldiń halyqaralyq arenadaǵy ustanymyn nyǵaıtýdyń basty faktoryna aınalǵany aıtylǵan.
«Biz Moldova Respýblıkasy men Qazaqstan Respýblıkasy arasyndaǵy yntymaqtastyq aıasyn dástúrli dostyq pen ózara túsinistik negizinde, memleketterimiz ben halyqtarymyzdyń ıgiligi úshin birlesken kúsh-jiger arqyly keńeıte alatynymyzǵa nyq senimdimin», - delingen jedelhatta.
***
Pákistan Islam Respýblıkasynyń Prezıdenti Mamnýn Hýseın Nursultan Nazarbaevqa búkil halqynyń jáne jeke óziniń atynan quttyqtaý joldady.
«Pákistan men Qazaqstan arasyndaǵy dostyq qarym-qatynastar alda da halyqtarymyzdyń ıgiligi úshin nyǵaıa beretinine senimdimin», - delingen hatta.
M.Hýseın Qazaqstan Prezıdentine myqty densaýlyq, uzaq ómir jáne elimizdiń budan ary damýy men ósip-órkendeýine baǵyttalǵan bastamalarynyń júzege asyrylýyna tabys tiledi.
***
Túrikmenstan Prezıdenti Gýrbanǵuly Berdimuhamedovtiń jedelhatynda eki el halqy arasyndaǵy dostyq qarym-qatynastar uzaq jyldar boıy teńquqyqtylyq, qurmet jáne ózara qoldaýǵa negizdelip kele jatqany aıtylǵan.
«Túrikmenstan men Qazaqstan arasyndaǵy senim men ózara túsinistiktiń joǵary deńgeıi alda da túrli saladaǵy ózara yqpaldastyqtyń syndarly damýyna berik negiz qyzmetin atqara beredi dep senemin», - delingen quttyqtaýda.
G.Berdimuhamedov Nursultan Nazarbaevqa myqty densaýlyq, sarqylmas qýat, baqyt, sondaı-aq dostas Qazaqstan halqynyń tatýlyǵy, ilgerileýi jáne ósip-órkendeý jolyndaǵy jaýapty memlekettik qyzmetine tabys tiledi.