Memleket basshysynyń Jarlyǵymen Marǵulan Baımuhan jańa qyzmetke taǵaıyndaldy

ASTANA. KAZINFORM – Marǵulan Baımuhan Qazaqstan Respýblıkasynyń Taıland Koroldigindegi Tótenshe jáne Ókiletti Elshisi, BUU Azııa men Tynyq muhıtqa arnalǵan Ekonomıkalyq jáne áleýmettik komıssııasy janyndaǵy Qazaqstan Respýblıkasynyń Turaqty ókili qyzmetine taǵaıyndaldy. Bul týraly Aqordanyń baspasóz qyzmeti habarlady. 

– Memleket basshysynyń Jarlyǵymen Marǵulan Baqytuly Baımuhan Qazaqstan Respýblıkasynyń Taıland Koroldigindegi Tótenshe jáne Ókiletti Elshisi, BUU Azııa men Tynyq muhıtqa arnalǵan Ekonomıkalyq jáne áleýmettik komıssııasy (ESKATO) janyndaǵy Qazaqstan Respýblıkasynyń Turaqty ókili bolyp taǵaıyndaldy, - delingen habarlamada. 

Marǵulan Baımuhan 1974 jyly 6 qyrkúıekte Almaty oblysynda dúnıege kelgen.

Polshadaǵy Krakov ekonomıkalyq ýnıversıtetin jáne Kanadanyń Vankýver ýnıversıtetin bitirgen. Halyqaralyq basqarýdaǵy ǵylym magıstri, iskerlik ákimshilendirý magıstri.

Óz eńbek jolyn «Daewoo Electronics» kompanııasyndaǵy marketıng jáne kommertsııa máseleleri jónindegi menedjer retinde bastaǵan.

1997 jyly Polshada «River System Ltd.» kompanııasynyń eksport bóliminiń mamany, keńesshisi, aımaqtyq dırektory (Ońtústik Kavkaz jáne Ortalyq Azııa elderi) retinde jumys istedi.

Dıplomatııalyq qyzmetin 1999 jyldan bastap, SІM Ortalyq apparatynda túrli laýazymdardy atqardy. Qazaqstannyń Polshadaǵy elshiliginde jumys istedi. 2017 jyldan 2019 jylǵa deıin Qazaqstannyń Polshadaǵy Elshisi boldy.

Qazaqstannyń Belgııadaǵy Elshisi laýazymyna taǵaıyndalǵanǵa deıin QR Syrtqy ister mınıstriniń orynbasary boldy.

II synypty Tótenshe jáne Ókiletti Ýákil dıplomatııalyq dárejesine ıe.

Eske sala keteıik, buǵan deıin Memleket basshysynyń elshilerdi taǵaıyndaǵanyn jazǵan edik.