Prezıdent Jarlyǵymen birqatar azamat memlekettik nagradalarmen marapattalady
Qazaqstannyń munaı-gaz, áleýmettik-gýmanıtarlyq jáne óndiristik qyzmette eńbegi sińgen birqatar azamatqa QR Prezıdentiniń Jarlyǵymen memlekettik nagradalar tapsyrylady, dep habarlaıdy Kazinform Aqordanyń baspasóz qyzmetine silteme jasap.
Memleket basshysynyń «Qazaqstan Respýblıkasynyń memlekettik nagradalarymen nagradtaý týraly» Jarlyǵymen:
Qazaqstan Respýblıkasynyń munaı-gaz salasyn damytýdaǵy aıryqsha jetistikteri, sondaı-aq qoǵamdyq-saıası qyzmettegi asa úzdik eńbegi úshin joǵary dárejeli erekshelik belgisi – «Qazaqstannyń Eńbek Eri» ataǵy berilip, aıryqsha erekshelik belgisi – Altyn juldyz memleket jáne qoǵam qaıratkeri Іzmuhambetov Baqtyqoja Salahatdınulyna tapsyrylsyn;
Qazaqstan Respýblıkasynyń áleýmettik-gýmanıtarlyq damýyndaǵy asa úzdik jetistikteri úshin joǵary dárejeli erekshelik belgisi – «Qazaqstannyń Eńbek Eri» ataǵy berilip, aıryqsha erekshelik belgisi – Altyn juldyz ben «Otan» ordeni Semeı qalasy, «№7 jalpy bilim beretin orta mektep-lıtseı» KMM muǵalimi Shúkejanova Alma Saıdahmetqyzyna tapsyrylsyn;
Óndiristik qyzmettegi erekshe eńbegi úshin joǵary dárejeli erekshelik belgisi – «Qazaqstannyń Eńbek Eri» ataǵy berilip, aıryqsha erekshelik belgisi – Altyn juldyz ben «Otan» ordeni Qyzylorda oblysy, «Tań LTD» JShS dırektory Shaǵyrtaev Imamzada Qýanyshbaıulyna tapsyrylsyn.
Respýblıka kúni qarsańynda Prezıdent Jarlyǵymen bir top azamat memlekettik nagradalarmen marapattaldy
Ulttyq mereke – Respýblıka kúni qarsańynda Prezıdent Qasym-Jomart Toqaevtyń Jarlyǵymen elimizdiń áleýmettik-ekonomıkalyq, mádenı-rýhanı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi men belsendi qoǵamdyq qyzmeti úshin bir top azamat memlekettik nagradalarmen marapattaldy. Olardyń qatarynda óndiris, bıznes, bilim berý, densaýlyq saqtaý salalarynyń kórnekti ókilderi, áskerı qyzmetshiler, quqyq qorǵaý organdarynyń qyzmetkerleri, sportshylar, eńbek ardagerleri, mádenıet jáne ǵylym qaıratkerleri bar.
«Qazaqstannyń Eńbek Eri» ataǵy Qazaqstan Respýblıkasynyń munaı-gaz salasyn damytýdaǵy aıryqsha jetistikteri, sondaı-aq qoǵamdyq-saıası qyzmettegi asa úzdik eńbegi úshin memleket jáne qoǵam qaıratkeri, Parlament Májilisiniń depýtaty B.Іzmuhambetovke, elimizdiń áleýmettik-gýmanıtarlyq damýyndaǵy asa úzdik jetistikteri úshin Semeı qalasy «№ 7 jalpy bilim beretin orta mektep-lıtseıiniń muǵalimi A.Shúkejanovaǵa jáne óndiristik qyzmettegi erekshe eńbegi úshin Qyzylorda oblysy «Tań LTD» jaýapkershiligi shekteýli seriktestiginiń dırektory I.Shaǵyrtaevqa berildi.
«Otan» ordenimen sýretshi A.Aqanaev, belgili aqyn, aıtys óneriniń damýyna erekshe eńbek sińgen qaıratker J.Ermanov marapattaldy.
І dárejeli «Barys» ordeni eńbek ardagerleri M.Aıymbetova men S.Tıesovke, Qonaev qalasy A.Jubanov atyndaǵy №5 orta mektep muǵalimi N.Lıge, televızııa ardageri L.Seıitovke, ІІ dárejeli «Barys» ordeni qoǵam jáne memleket qaıratkeri Á.Bektaevqa, «KAZGOR» jobalaý akademııasynyń birinshi vıtse-prezıdenti T.Eralıevke, eńbek ardageri O.Rahmanberdıevke, ІІІ dárejeli «Barys» ordeni Abaı oblysy qoǵamdyq keńesiniń tóraǵasy M.Aınabekovke, Sh.Ýálıhanov atyndaǵy Kókshetaý ýnıversıtetiniń kafedra meńgerýshisi S.Aıaǵanovqa, erkin kúresten eńbek sińirgen sport sheberi I.Baıramýkovke, «Qazaqstan halqyna» qoǵamdyq áleýmettik qorynyń tóraǵasy B.Jámishevke, qoǵam qaıratkeri Á.Jolshybekovke jáne eńbek ardageri S.Qyrymqulovqa tabystaldy.
Sonymen qatar belgili ǵalymdarǵa, mádenıet jáne bilim qaıratkerlerine, óndiristik sala ókilderine «Parasat» ordeni berildi:
Olardyń qatarynda Taldyqorǵan qalasy «Qaınar-AKB» JShS dırektorlar keńesiniń tóraǵasy Q.Ájmaǵanbetov, «Qazaq tili» halyqaralyq qoǵamynyń vıtse-prezıdenti Ǵ.Ánes, M.Ospanov atyndaǵy Batys Qazaqstan medıtsına ýnıversıtetiniń professory B.Joldın, Nysana kózdeýden ulttyq quramanyń bas jattyqtyrýshysy O.Dovgýn, Temirtaý qalasynyń Kópbeıindi ana men bala ortalyǵynyń dırektory S.Lohvıtskıı, Atyraý oblystyq ardagerler keńesiniń tóralqa múshesi M.Ǵabdisálimova jáne Ǵ.Músirepov atyndaǵy balalar men jasóspirimderge arnalǵan memlekettik akademııalyq qazaq teatrynyń akteri U.Núsipáli sekildi azamattar bar.
Memleket basshysynyń tapsyrmasymen bıyldan bastap ult birligin nyǵaıtý jáne qoǵamdyq tatýlyqty qamtamasyz etý jolyndaǵy jemisti eńbegi úshin «El birligi» ordeni taǵaıyndaldy:
«El birligi» ordeni alǵash ret Qazaqstan Respýblıkasynyń Prezıdenti janyndaǵy Memlekettik basqarý akademııasynyń professory A.Bashmakovqa, Respýblıkalyq dúngen etnomádenı ortalyǵy baqylaý keńesiniń tóraǵasy L.Býlarovqa, Respýblıkalyq tájik etnomádenı ortalyǵynyń tóraǵasy A.Ismaılovqa, Qazaqstan koreıleri qaýymdastyǵy qamqorshylyq keńesiniń múshesi R.Kımge, «Deutsche Allgemeine Zeitung» respýblıkalyq nemis gazetiniń bas redaktory O.Klımenkoǵa, «Qazaqstan sheshenderi men ıngýshtarynyń «Vaınah» qaýymdastyǵy» zańdy tulǵalar birlestiginiń teń tóraǵasy A.Muradovqa, «Dýstlık» Qazaqstan Respýblıkasy ózbek etnomádenı qoǵamdyq birlestikteriniń qaýymdastyǵy» zańdy tulǵalar birlestigi tóraǵasynyń orynbasary T.Nıshanbaevqa tabystaldy.
Bıyldan bastap qurmetti marapattar qataryna «Qazaqstannyń halyq jazýshysy» jáne «Qazaqstannyń halyq ártisi» ataqtary qosyldy:
T.Ábdikuly, S.Elýbaev, B.Nurjekeev, S.Smataev, A.Ashırov jáne L.Shashkova «Qazaqstannyń halyq jazýshysy» ataǵyn ıelendi. «Qazaqstannyń halyq ártisi» qurmetti ataǵy elimizdiń kórnekti mádenıet qaıratkerleri, teatr jáne kıno akterleri D.Ahımovqa, M.Tokarev pen D.Aqmoldaǵa, opera ánshileri Sh.Ábilov pen T.Kúzenbaevqa, ataqty ánshiler R.Stamǵazıevke, D.Qudaıbergenge jáne kúıshi A.Úlkenbaevaǵa berildi.
Sondaı-aq «Ulttyq ǵylymı kardıohırýrgııa ortalyǵy» KeAQ dárigeri S.Andosova, «M.Qozybaev atyndaǵy Soltústik Qazaqstan ýnıversıteti» KeAQ professory A.Pleshakov, «Shyńǵa órleý» QQ dırektory R.Sypabekova, «Mańǵystaý oblystyq múgedektik sport klýby» KMM aǵa bapkeri N.Qulyshov jáne basqa da azamattar «Qurmet» ordenimen marapattaldy.
Ónerkásip, transport, qurylys, aýyl sharýashylyǵy jáne basqa da materıaldyq óndiris salalarynyń 94 jumysshysy men eńbekkeri ІІІ dárejeli «Eńbek Dańqy» ordenin ıelendi.
ІІ dárejeli «Dostyq» ordeni «Alǵa, Peterbýrg» ınternet jobasynyń avtory Ivan Chervınskııge berildi.
Al fýtboldan Qazaqstan ulttyq quramasynyń oıynshylary Ashat Taǵybergen, Bahtıer Zaınýtdınov jáne Maksım Samorodov «Eren eńbegi úshin» medaline laıyq dep tanyldy.
«Erligi úshin» medalimen Murat Esenqabylov pen Talǵatbek Tóleýbaev nagradtaldy. Murat Esenqabylov órtenip jatqan kólik ishinen 3 áıel men 5 balany aman alyp qalsa, Talǵatbek Tóleýbaev tilsiz jaýdy aýyzdyqtaýda úlken erlik kórsetken.
Para jeńil atletıka sportshysy, birneshe respýblıkalyq saıystardyń jeńimpazy Aısulý Súleımenovaǵa «Shapaǵat» medali tabystaldy.
«Qazaqstannyń eńbek sińirgen qaıratkeri» qurmetti ataǵy ǵylym jáne mádenıet salalarynyń 31 kórnekti ókiline jáne «Qazaqstannyń eńbek sińirgen ustazy» qurmetti ataǵy Aqmola oblysy «№4 «Bolashaq» oblystyq mamandandyrylǵan mektep-lıtseı-ınternatynyń muǵalimi Ú.Eńsebaevaǵa berildi. Qazaqstan Respýblıkasynyń Qurmet gramotasymen 143 adam nagradtaldy.
Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigi men qorǵanys qabiletin nyǵaıtý kezinde kórsetken erligi men qajyr-qaıraty úshin áskerı qyzmetshiler men quqyq qorǵaý organdarynyń ókilderi 🎖І jáne ІІ dárejeli «Dańq» ordenderimen, ІІ jáne ІІІ dárejeli «Aıbyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy.
Jalpy bıylǵy memlekettik nagradalardy taǵaıyndaýda qarapaıym azamattarǵa basymdyq berildi
Atap aıtqanda, marapattalǵandar arasynda 298 ustaz ben densaýlyq saqtaý salasynyń qyzmetkerleri, 259 aýyl sharýashylyǵy mamany, 119 eńbek ardageri, óndiris salasynyń 88 jumysshysy bar.
Bul – qarapaıym eńbekkerlerdiń mártebesin asyrýǵa, qoǵamdaǵy qadirin arttyrýǵa baǵyttalǵan naqty qadam.
Nagradtalǵandardyń tizimi baspasózde jarııalanady.
