Memleket basshysynyń tapsyrmasymen alǵashqy ulttyq mekteptiń qurylysy bastaldy

ASTANA. KAZINFORM — Bul joba Qazaqstannyń talantty balalary úshin biregeı bilim berý ortasyn qurýǵa baǵyttalǵan. Almaty qalasyna jumys sapary barysynda oqý-aǵartý mınıstri Ǵanı Beısembaev mektep qurylysymen tanysty.

Мемлекет басшысының тапсырмасымен алғашқы ұлттық мектептің құрылысы басталды
Фото: Оқу-ағарту министрлігі

Mektep 900 oqýshy ornyna arnalǵan jáne munda balalarǵa arnalǵan ınternat, oqytýshylar úıi, kitaphana, sport kesheni qarastyrylǵan. Ol bıylǵy jyly ashylady dep josparlanyp otyr.

Jańa bilim berý uıymynyń kontseptsııasy Abaı fılosofııasyna, onyń ishinde «bes asyl is» ıdeıasyna negizdelgen.

Memleket basshysynyń tapsyrmasymen alǵashqy ulttyq mekteptiń qurylysy bastaldy
Foto: Oqý-aǵartý mınıstrligi

 — ABAI ULTTYQ MEKTEBI»-niń qurylýy — otandyq bilim berýdi damytýdaǵy eń mańyzdy strategııalyq qadamdardyń biri, ol óziniń shyqqan tegin jaqsy biletin, birneshe tildi meńgergen jáne jahandyq syn-qaterlerge tótep bere alatyn zııalylardyń jańa býynyn tárbıeleýge baǵyttalady, — dep atap ótti mınıstr.

Jobany júzege asyrýdaǵy mańyzdy qadam — «ABAY-Programme» birtutas bilim berý baǵdarlamasynyń ázirlenýi bolyp tabylady. Ol kóptildi, zııaly jáne ulttyq sıpattaǵy tulǵany qalyptastyrýǵa negizdelgen. Mektep sondaı-aq elimizdiń jetekshi pedagogıkalyq joǵary oqý orny — Abaı atyndaǵy qazaq ulttyq pedagogıkalyq ýnıversıtetimen seriktestik ornatady. Yntymaqtastyq aıasynda «Abaı zerthanasy» qurylyp, ol gýmanıtarlyq bilim salasyndaǵy ádistemelik jáne ǵylymı zertteýler ortalyǵyna aınalady.

Aıta ketelik Almaty oblysynda jer silkinisinen zaqymdanǵan mektep jóndelip jatqany týraly jazǵan edik

Сейчас читают