Memleket basshysynyń qatysýymen Ulttyq quryltaıdyń otyrysy bastaldy
ASTANA. KAZINFORM – Búgin Qyzylordada Memleket basshysy Qasym-Jomart Toqaevtyń qatysýymen Ulttyq quryltaıdyń besinshi otyrysy bastaldy.
Quryltaıdaǵy talqylaýǵa tanymal memleket jáne qoǵam qaıratkerleri, saıası partııalardyń, úkimettik emes sektordyń, bıznes-qaýymdastyqtardyń, saraptamalyq qaýymdastyqtyń jáne oblystardyń qoǵamdyq keńesteriniń ókilderi keldi.
Keshe Astanada Parlamenttik reforma jónindegi jumys tobynyń otyrysynda Prezıdent Qasym-Jomart Toqaev ınstıtýtsıonaldyq negizdi tereń jańǵyrtý jáne zań shyǵarýshy bılik tarmaǵyn júıeli túrde qaıta formattaý qajet ekenin aıtty.
— Erteń Ulttyq quryltaı otyrysynda men elimizdiń taǵdyryna qatysty bul másele boıynsha naqty pikirlerimdi aıtamyn. Naqtylaı aıtqanda, elimizdiń sapalyq turǵydan múldem jańa saıası turpaty qalyptasyp jatyr. Parlamenttik reformany júzege asyrý úshin Konstıtýtsııanyń birden birneshe bólimin qaıta qaraý qajet bolady. Sondyqtan Ata zańymyzǵa osyǵan deıin engizilgen ózgertýlerdi eskersek, Jumys toby usynyp otyrǵan túzetýler jobasy Qazaqstannyń shyn máninde jańa Konstıtýtsııasy týraly aıtýǵa múmkindik beredi, — dedi Memleket basshysy.
Budan buryn habarlanǵandaı, 19 qańtar kúni quryltaı músheleri «Áleýmettik-mádenı damý», «Bilim jáne ǵylym», «Azamattyq qoǵam», «Ekonomıkalyq damý» sektsııalaryna qatysyp, osy salalarda qordalanǵan, júıeli sheshimin tabýǵa tıis máselelerdi talqyǵa saldy.
Sondaı-aq quryltaıdyń buǵan deıingi jumys otyrystarynda aıtylǵan usynystar da pysyqtaldy.
Eske salaıyq, 2025 jylǵy 14 naýryzda Býrabaıda ulttyq quryltaıdyń IV otyrysy ótti. Memleket basshysy Qasym-Jomart Toqaevtyń Ulttyq quryltaıda qozǵaǵan negizgi jaıttarmen siltemege ótip tanysýǵa bolady.
Osyǵan deıin Ulttyq quryltaı aıasynda qandaı zańdar qabyldanǵanyn jazǵan edik.