Memleket basshysynyń Iordan Hashımıt Koroldigine resmı sapary aıaqtaldy
ASTANA. KAZINFORM - Álııa patshaıym atyndaǵy halyqaralyq áýejaıdan Qasym-Jomart Toqaevty hanzada Álı ben ál-Hýseın qurmetpen shyǵaryp saldy, dep habarlaıdy Aqordanyń baspasóz qyzmeti.
Aıta keteıik, Prezıdent resmı sapary barysynda Iordanııa Koroli II Abdalla ben ál-Hýseınmen kelissóz júrgizdi.
Qasym-Jomart Toqaev eki el arasyndaǵy dostyq pen yntymaqtastyqty nyǵaıtýǵa úles qosyp kele jatqany úshin Iordanııa kóshbasshysyna alǵys aıtty. Prezıdenttiń pikirinshe, Iordanııa – beıbitshilik pen turaqtylyqty saqtaýǵa beıil el retinde halyqaralyq qoǵamdastyq tarapynan moıyndalǵan memleket.
Sapar aıasynda 10 qujatqa qol qoıyldy.
Memleket basshysy Korol II Abdallany «Altyn Qyran» ordenimen marapattady.
Qasym-Jomart Toqaev sonymen qatar Iordanııa mýzeıin aralap kórdi.
