Memleket basshysynyń Frantsııaǵa sapary aıaqtaldy
PARIJ. KAZINFORM - Prezıdent Qasym-Jomart Toqaevtyń Frantsııaǵa memlekettik sapary aıaqtaldy, dep habarlaıdy Aqorda.
Orlı áýejaıynda Qazaqstan Prezıdentin resmı shyǵaryp salý rásimi ótti.
Ushý alańynda Qurmet qaraýyly sap túzep, eki eldiń ánurandary shyrqaldy.
Memleket basshysyn Frantsııanyń Qarýly kúshter mınıstri Sebastıan Lekornıý men basqa da laýazymdy tulǵalar shyǵaryp saldy.
Aıta keteıik, buǵan deıin Prezıdenttiń Frantsııa Respýblıkasyna memlekettik saparmen barǵanyn jazǵanbyz.
Sonymen qatar, Kazinform tilshisi Qazaqstan men Frantsııa qarym-qatynasynyń nyǵaıýyn jan-jaqty qamtyp kórdi.
Elıseı saraıynda Qazaqstan Prezıdenti Qasym-Jomart Toqaevty resmı qarsy alý rásimi ótti.
Qazaqstan men Frantsııa Prezıdentteri Birlesken deklaratsııa qabyldady.
Sonymen qatar Emmanıýel Makron Qazaqstan Prezıdentiniń Frantsııaǵa sapary týraly jazba jarııalady.
Prezıdent Frantsııaǵa sapary týraly «Ystyq yqylasqa erekshe tánti boldym» dep jazdy.
