Memleket basshysynyń atynan Bıbisara Asaýbaevaǵa memlekettik nagrada tabystaldy
ASTANA. KAZINFORM — Premer-mınıstriniń orynbasary – mádenıet jáne aqparat mınıstri Aıda Balaeva Memleket basshysynyń atynan shahmatshy Bıbisara Asaýbaevaǵa memlekettik nagrada tabystady. Bul týraly Úkimettiń baspasóz qyzmeti habarlady.
Grossmeıster II dárejeli «Barys» ordenimen marapattaldy.
Aıda Balaeva Bıbisara Asaýbaevanyń otandyq shahmat sportynyń damýyna, zııatkerlik oıyndardy jastar arasynda keńinen nasıhattaýǵa jáne Qazaqstannyń halyqaralyq arenadaǵy bedelin arttyrýǵa qosqan eleýli úlesin atap ótti.
Bıbisara Asaýbaeva – álemdik dodalarynda el namysyn abyroımen qorǵap júrgen kórnekti shahmatshy. Ol blıtsten úsh márte álem chempıony atanyp, osy básekede jeńiske jetken eń jas shahmatshy retinde Gınnestiń rekordtar kitabyna endi. Sondaı-aq jýyrda Norvegııada ótken bedeldi Norway Chess sýpertýrnırinde top jaryp, taǵy bir jarqyn jeńisine qol jetkizdi.
Aıta keteıik, «Barys» ordeni memlekettilikti nyǵaıtýǵa, qoǵamdyq, áleýmettik-mádenı qyzmetke sińirgen erekshe eńbegi, sondaı-aq halyqtar arasyndaǵy yntymaqtastyqty jáne memleketter arasyndaǵy dostyq qatynastardy damytýǵa qosqan úlesi úshin beriledi.
Aıta ketelik Bıbisara Asaýbaeva FIDE reıtınginde áıelder arasynda kósh bastaǵan edi.
