Memleket basshysynyń atyna Oraza aıt merekesine oraı quttyqtaý jedelhattary kelip tústi
ASTANA.KAZINFORM - Qasym-Jomart Toqaevtyń atyna Oraza aıt meıramyna oraı shet memleketterdiń basshylarynan jáne halyqaralyq uıymdardyń jetekshilerinen quttyqtaý jedelhattary keldi.
Ózbekstan Prezıdenti Shavkat Mırzıeev quttyqtaýynda Oraza aıt tutas musylman álemine erekshe kóńil-kúı syılaıtynyn jazyp, Almatydaǵy beıresmı kezdesýge joǵary baǵa berdi.
– Ásem qala Almatyda ótken kezdesý bizdiń máńgi dostyq, tatý kórshilik, strategııalyq seriktestik jáne odaqtastyq rýhyndaǵy baılanystarymyzdy tereńdete túsedi dep senemin, – degen Ózbekstan Prezıdenti.
Qyrǵyzstan Prezıdenti Sadyr Japarov Oraza aıt merekesi barsha musylmanǵa shattyq syılap, elderimizdiń yrys-yntymaǵyn arttyra bersin dep jyly lebizin jetkizdi.
Tájikstan Prezıdenti Emomalı Rahmon qasıetti merekeniń qundylyǵy eki el arasyndaǵy dostyq pen kópjaqty yntymaqtasty damytýǵa septigin tıgizetinine senimdi ekenin atap ótken.
– Oraza aıt halyqtarymyzdy tazalyqqa, meıirimdilikke, qamqorlyqqa úndeı bersin, – dep jazylǵan jedelhatta.
Qasıetti Oraza aıt meıramyna oraı Túrikmenstan Prezıdenti Serdar Berdimuhamedov pen Túrikmenstan Halk Maslahatynyń Tóraǵasy Gýrbangýly Berdimuhamedov te izgi tilegin joldady.
– Adamzattyń asyl qasıetterin dáripteıtin mereke aldaǵy ýaqytta da elderimizdiń arasyndaǵy qarym-qatynasty damytýǵa, dostyqty nyǵaıtýǵa yqpal ete beretinine senimdimin, – delingen Túrikmenstan Prezıdentiniń jedelhatynda.
Túrkııa Prezıdenti Rejep Taııp Erdoǵan adamzatqa tynyshtyq pen beıbitshilik ákeledi dep úmittenetin qasıetti meıramda baýyrlas halyqtardyń yntymaǵy men birligi nyǵaıa berýine tilektestik bildirdi.
Sonymen qatar Memleket basshysyn BAÁ Prezıdenti Muhammed ben Zaıd Ál Nahaıan, BAÁ Vıtse-prezıdenti, Premer-mınıstri, Dýbaı bıleýshisi Muhammed ben Rashıd Ál Maktým, BAÁ Vıtse-prezıdenti, Premer-mınıstrdiń orynbasary Mansýr ben Zaıd Ál Nahaıan, Iordanııa Koroli II Abdalla ben ál-Hýseın, Kýveıt Ámiri sheıh Mıshaal ál-Ahmad ál-Djaber as-Sabah, Kýveıttiń Taq murageri Sabah Halıd ál-Hamad As-Sabah, Oman Sultany Haısam ben Tarıq, Bahreın Koroli Hamad ben Isa Ál Halıfa, Mysyr Prezıdenti Ábdel Fattah As-Sısı, Palestına Prezıdenti Mahmýd Abbas, Somalı Prezıdenti Hasan Sheıh Mohamýd, Sıngapýr Premer-mınıstri Loýrens Vong, Lıvııa Prezıdenttik keńesiniń tóraǵasy Muhammed ıÝnýs ál-Manfı, Efıopııa Premer-mınıstri Abıı Ahmed, Tatarstan Raısy Rýstam Mınnıhanov, Islam yntymaqtastyǵy uıymynyń bas hatshysy Hısseın Brahım Taha, OPEK bas hatshysy Haısam ál-Gaıs, ISESKO bas dırektory Salım ben Muhammed ál-Malık quttyqtady.
Aıta keteıik, Qasym-Jomart Toqaev pen Natasha Pırts-Mýsar Qazaqstan-Slovenııa bıznes-forýmyna qatysty.