Memleket basshysy tasqyn sýdan zardap shekken turǵyndardy sapaly baspanamen qamtamasyz etýdi tapsyrdy
ASTANA. KAZINFORM — Prezıdent Qasym-Jomart Toqaevqa Premer-Mınıstr Oljas Bektenov sý tasqyny saldaryn joıý jáne tabıǵat apatynan zardap shekken, eń aldymen, evakýatsııalyq pýnktterdegi azamattarǵa kómek kórsetý jónindegi jumystar týraly baıandady. Bul týraly Aqordanyń baspasóz qyzmeti málimdedi.
Memleket basshysy bul baǵyttaǵy sharalardy kúsheıtýge, zardap shekken turǵyndardy sapaly baspanamen qamtamasyz etýge, qalalar men eldi mekenderdegi ınfraqurylymdardy jóndeýge jáne qurylys jumystaryna kirisýge qatysty tapsyrma berdi.
Prezıdenttiń aıtýynsha, jergilikti atqarýshy organdardyń basshylary halyqpen etene ári tıimdi jumys isteýge mindetti. Sondaı-aq týyndaǵan máselelerdi sheshý jáne jurtshylyqtyń oryndy talap-tilegin oryndaý jónindegi memlekettik saıasat pen qabyldanyp jatqan sharalardy naqty túsindirýge tıis.
Sonymen qatar Úkimet, ákimdikter quqyq qorǵaý organdarymen birlesip, zańǵa sáıkes qoǵamdyq tártipti qamtamasyz etýi kerek.
