Prezıdentke orta bilim berý júıesine jasandy ıntellektini engizý jobasy tanystyryldy
ASTANA. KAZINFORM - AI & Digital Bridge 2026 halyqaralyq forýmy aıasynda Memleket basshysy Qasym-Jomart Kemeluly Toqaevqa orta bilim berý júıesine jasandy ıntellektini engizý baǵytynda atqarylyp jatqan jumystar tanystyryldy.
QR Oqý-aǵartý Memleket basshysynyń bilim sapasyn arttyrý jáne qala men aýyl mektepteri arasyndaǵy alshaqtyqty qysqartý jónindegi tapsyrmalaryn iske asyrý aıasynda jasandy ıntellekt múmkindikterin bilim berý úderisine júıeli engizýge erekshe nazar aýdarylyp otyr.
Oqý-aǵartý mınıstri Juldyz Súleımenova jáne Sinovation Ventures pen 01.ai kompanııalarynyń bas atqarýshy dırektory Lı Kaı-Fý jasandy ıntellekt tehnologııalaryn orta bilim berý júıesinde qoldanýdyń negizgi tásilderi men múmkindikterin tanystyrdy. Joba pedagogterdiń jumysyn qoldaýǵa, oqytýdy ár oqýshynyń jeke qajettiligine beıimdeýge, sondaı-aq aýyldyq jáne shaǵyn jınaqty mektepter úshin sapaly bilimniń qoljetimdiligin arttyrýǵa baǵyttalǵan.
Bul baǵyttaǵy negizgi qaǵıdat - jasandy ıntellekt muǵalimdi almastyrmaı, onyń kásibı múmkindikterin keńeıtetin jáne bilim sapasyn arttyrýǵa kómektesetin qural bolýy tıis.
Osyǵan deıin Oqý-aǵartý mınıstrliginiń ókilettigi keńeıtiletini týraly jazdyq.
