Memleket basshysyna ornyqty kólik bazasyn qalyptastyrý jóninde málimet berildi
ASTANA. KAZINFORM – Memleket basshysyna ornyqty kólik bazasyn qalyptastyrý jóninde júıeli sheshim qabyldanǵany týraly málimet berildi – dep habarlaıdy Aqorda.
Onyń negizin jyldam júretin qoǵamdyq kólikter quraıdy. Jańa BRT, LRT jáne metro jelilerin ashý zamanaýı megapolıstiń talaptaryna saı keletin qalalyq utqyrlyqtyń tıimdi modeline kóshýge múmkindik beredi. Osy oraıda «Qalqaman» jańa metro stantsııasyn ashyp, metropolıtenniń «Barlyq» bazaryna deıingi úshinshi kezegin salý jumystaryn bastaý kerek. Sondaı-aq metrony soltústik jáne shyǵys baǵyttarda damytý jobalaryn júzege asyrýǵa kirisý josparlanyp otyr. Budan bólek, Tóle bı kóshesimen ótetin jáne Almatynyń batysy men shyǵysyn jalǵaıtyn LRT-niń (26 km) birinshi jelisin iske qosý kózdelgen.
Qasym-Jomart Toqaev qalanyń kólik júıesin damytý jónindegi jobalardy qoldaıtynyn atap ótti. Prezıdenttiń aıtýynsha, bul jobalardyń iske asyrylýy Almatynyń ınvestıtsııalyq tartymdylyǵyn arttyrýǵa septigin tıgizip, qala turǵyndarynyń turmys sapasyn jaqsartýǵa yqpal etedi. Osyǵan baılanysty Memleket basshysy tıisti qujattardy tez arada daıyndap, jobalardy júzege asyrýǵa kirisý kerek ekenin aıtty.
