Memleket basshysyn Ankaradaǵy Prezıdent saraıynda saltanatty qarsy alý rásimi ótti
ANKARA. KAZINFORM – Túrkııa Respýblıkasyna resmı saparmen kelgen Qasym-Jomart Toqaevty Ankaradaǵy Prezıdent saraıynda saltanatty qarsy alý rásimi ótti. Bul týraly Aqordanyń baspasóz qyzmeti habarlady.
Qazaqstan Prezıdentiniń saparyna oraı Qurmet qaraýyly sap túzedi.
Saraıǵa kelgen sátinde Memleket basshysynyń kortejin salt atty gvardııa bastap júrdi.
Qasym-Jomart Toqaevty Rejep Taııp Erdoǵan qarsy aldy. Qazaqstan men Túrkııanyń memlekettik ánurandary shyrqalyp,zeńbirekten 21 ret oq atyldy.
Eki eldiń basshylary Qurmet qaraýylynyń aldynan júrip ótip, bir-birine resmı delegatsııa múshelerin tanystyrdy. Odan soń memleketter basshylary kelissóz júrgizdi.
Eske sala keteıik, buǵan deıin Memleket basshysy Orzax Group basqarma tóraǵasy Selman Alımoǵlyny qabyldaǵanyn jazǵan edik.