Memleket basshysy jýrnalısterdi Ulttyq basylym kúnimen quttyqtady
ASTANA. KAZINFORM – Prezıdent Qasym-Jomart Toqaev Qazaqstan jýrnalısterin Ulttyq basylym kúnimen quttyqtady. Bul týraly Aqordanyń baspasóz qyzmeti habarlady.
Memleket basshysy buqaralyq aqparat quraldary Ádiletti Qazaqstandy qurýǵa jáne qoǵamda «Zań men tártip» qaǵıdatyn ornyqtyrýǵa eleýli úles qosyp kele jatqanyna nazar aýdardy.
Prezıdent merzimdi baspasóz ókilderin konstıtýtsııalyq reformany, sondaı-aq tutas memlekettik júıeni túbegeıli jańǵyrtýǵa baǵyttalǵan basqa da aýqymdy ózgeristerdi BAQ-ta jarııalaý kezinde konstrýktıvti jumys isteýge úndedi.
Qasym-Jomart Toqaev quttyqtaýynda patrıotızm uǵymyna jaýapkershilik pen jasampazdyq turǵysynan qarap, zańdy qurmetteý arqyly egemendigimizdi jáne táýelsizdigimizdi qorǵaý ulty men dinine qaramastan árbir otandasymyzdyń mindeti ekenin aıtty.
Memleket basshysy otandyq jýrnalıster osynaý asa mańyzdy iske belsendi atsalysatynyna senim bildirip, olarǵa tolaıym tabys pen baq-bereke tiledi.
Eske salsaq, osyǵan deıin Prezıdenttiń Pákistan Islam Respýblıkasyna memlekettik saparmen baratynyn habarlaǵanbyz.