Memleket basshysy Joǵary Eýrazııalyq ekonomıkalyq keńestiń otyrysyna qatysty

ASTANA. KAZINFORM — Qasym-Jomart Toqaev Sankt-Peterbýrgte ótken Joǵary Eýrazııalyq ekonomıkalyq keńestiń (JEEK) kezekti otyrysynda sóz sóıledi, dep habarlaıdy Aqorda.

Memleket basshysy qonaqjaılyq tanytyp, is-sharany joǵary deńgeıde uıymdastyrǵany úshin Prezıdent Vladımır Pýtınge rızashylyǵyn bildirdi.

Sondaı-aq Jańa jyl qarsańynda Peterbýrgtegi dástúrli kezdesý jyldy qortyndylap, aldaǵy kúnge jospar qurýǵa múmkindik beretinin atap ótti. 

Prezıdent bıyl Eýrazııalyq ekonomıkalyq odaq úshin mereıli jyl bolǵanyn eske saldy. Uıym damýdyń ekinshi onjyldyǵyna batyl qadam basty.

Osy kezeń ishinde ózara saýda-cattyq turaqty túrde ósip, iri ınfraqurylym jobalary tabysty júzege asty jáne ónerkásip kooperatsııasynyń aıasy keńeıe tústi. 

Aıta keteıik, búgin Prezıdent Joǵary Eýrazııalyq ekonomıkalyq keńestiń shaǵyn quramdaǵy otyrysyna qatysty.